مغرورلوق ائيله ييب،اوستادام دئيه ن،
او هانسي آغاجدي ،تاغي يئددي دي؟
اوآغاجدابير قوش يووا سايبدي،
چارپاز سينه سي نين داغي يئددي دي
جواب (عاشيق بهمن) ***
اوستادم دئيه نلر مغرور اولماسين ،
جسد داماري نين سري يئددي دي
سينه يوواسيندا مسكن ساليبدي،
اوره ك بير قوش اولسا ،پري يئددي دي
سوال ***
بير حكمت گؤرموشم ، خياليم چاشيب ،
هوش باشيمدان گئديب ،ديليم دولا شيب ،
شاهين قوللوغوندا بير قول اگله شيب ،
بدن بير دي ال- آياغي يئددي دي
جواب ***
خدام قهر ائيله سه، خيالين چاشار،
گلمه سه اول شفعي،ديليم دولاشار،
روز-شب ايچينده مؤمن چاليشار
سجده اغضاسي نين يئري يئددي دي
سوال ***
بير علي مجلسده وار يئددي ساغي،
دولانير ، دؤور ائدير يوخ ال-آياغي ،
نه پيلته سي واردي ، نه ده كي، ياغي،
شعله چكن شوخ چيراغي يئددي دي
جواب ***
بير ايل ده دولانير يئددي دي گون اوسته،
هفته لر دوزولور دال با دال اوسته،
قدرتدن خلق اولوب اودو نؤورسته
شمس روزلاري نين شري يئددي دي
سوال ***
اونون گردشينده بير آزجا لنگ وار ،
عالمه عياندي گؤرونور آشكار ،
بير كاسا ايچينده اون بئش ايرنگ وار ،
قاراسي يئددي دي ، آغي يئددي دي
جواب ***
مجلسده وار سؤزون اثباتي ، بهمن !
افسانه كئچيرتدين حياتي ، بهمن !
ديلنده ازبر قيل آياتي ، بهمن !
مقدمات ،صوم ، لنگري يئددي دي