ورود به كربلا
گلدي اي ديار غم مهربان قوناقلارون
سنده بير گوني اولار باغريقان قوناقلارون
*****
قارداشيم ديديم قورا عترته خياميمي
دين حكومت ايليه باشلاديم قياميمي
حقي اختارانلارا ويرميشم پياميمي
دين اياق دوتار اگر ويرسه جان قوناقلارون
*****
سنده اي بلا چولي نوح و ادم اغليوب
ايري انبيا دوتوب سنده ماتم اغليوب
شرح حاليمي دوتوب چشم خاتم اغليوب
گوزليور بلا گونون ناگران قوناقلارون
*****
اكبريم اولار هدف قتلگهده خنجره
بنذير باشينداكي زخمي زخم حيدره
فوج اشقيا وورار داش ياراسي اكبره
باشي اوسته باش يولار ناتوان قوناقلارون
*****
نخلزاري مشكي پر صاحب علم گزر
مركب اوسته مقتلي قوللاري قلم گزر
مشكي اوخلانار پوزار محنت و الم گزر
گوز تيكر يولا سويي اختاران قوناقلارون
*****
اوخ دگر بوغازينه اصغر امتياز الار
فاطمه بهشتيده لاي لايين اونون چالار
خيمه ده ربابينه بو بشيك نشان قالار
ساخليار عزا اولار نوجه خوان قوناقلارون
*****
راي كردگار حق سانما سنده يوخلانار
باغلابار سويون يولي تشنه قلبيم اوخلانار
فاطمه ننه م گلر دلده دردي چوخلانار
ترك جنت ايلير موكنان قوناقلارون
*****
سنده غملي زينبون غصه قلبيني سيخار
حد سد صبريني سيل درد و غم سيخار
پيكريمي گورمگه تلون اوستونه چيخار
سسليله زينبي قورخوشان قوناقلارون
اثر طبع يوسف معزي اردبيلي