***
عزيزيم يوزده وار
اللي ده وار يوزده وار
اؤپمه‌لي توپوق گؤردوم
توپورمه‌لي اوزده وار.
***
دريادا چوخ باليق وار
روزي وئرن خاليق وار
جوانلار ائولنمه‌يير
دئييرلر باهاليق وار.
***
ايكي قاپي يان يانا
اليمه ياخديم حنا
سنه سود وئرن آنا
اولا منه قاين آنا
***
آغاجدا ياريم آلما
قاليبدي ياريم آلما
آليرسان جانيمي آل
اليمدن ياريم آلما
****
درنا گلير بو باغا
قونور بوتاق بوتاغا
اؤلو اولسام ديريللم
ياريم گلسه بو باغا