عالمين گردشينه اينده حيرانم اوغول
غصه دن صبحه كيمين هر گجه نالانم اوغول
التي اي مدت عمريمده منيم منه همدمودون
ايندي بير قوش كيمي سن سيز اله ويلانم اوغول
سن گوزل گولدون علي من ولي قان اغلاميشام
نيلييم قلبي يانيخ حالي پ ريشانم اوغول
هانسي صياد اتيب اوچ پر اوخي سود امره
مني يانديردي يارون سينه سي سوزانم اوغول
اوزي گولمز بيرينين صود امري اوخلانسا
خوش گونوم سن له گديب ديده سي گريانم اوغول
مني گوزدن نه تز ادون اوون اباد اولسون
ائويمي ييخدي غمون خانه سي ويرانم اوغول
فلكين چرخي سينيدي يازيمي غم يازدي
اديما غم يازيليب غم كش دورانم ا وغول
سن وقاريله قوشولدون شهدا دسته سينه
من ده شامه گئدرم جزئ اسيرانم اوغول